隨著成長，由個人變成家庭再有小朋友，收支表上的欄目愈來愈多，亦重新整理個無數次，以求用最簡便的方式去將大項分類，增加每月記數的效率。同樣地，資產負債表也是經歷過數次大改動，但有一個項目我是遲遲未有加進資產負債表上的，那就是自住樓。
一開始沒有將它放入資產負債表內是因為不懂得怎樣表達全期利息，如果直接將全期本金加利息放進負債，那麼我便立即變成很嚴重的負資產，當時有點心有不甘，便把心一橫將它忘掉。
後來還有另一原因，就是樓價升了很多。這時再將自住樓以當時估值放入，即使在負債上加上尚欠本金及利息，數字上還是很大。我的其他資產立即變得微不足道，每月的儲蓄變得可有可無，有點冷卻自己努力理財的反效果。加上完全沒有賣走自住樓的計劃，這樣以估值入數亦不知是否洽當，畢竟部份上市公司也是一直以買入價作為資產估值，所以我再次把它忘掉。
事情變得複雜是當我將物業加按，套現了一筆現金之後。因為這時真的用了物業的最新估值弄來了一筆可以摸上手的錢，總不能再將它在資產負債表上忘掉，否則那個資產負債表便全無意思了。
其實我還是沒有解決到怎樣表達利息的問題，情急之下，我便將加按部份的本金和全期利息，全部放進負債。結果在加按那個月份，我的資產淨值立即下跌了一半以上。
根據我的理解，整筆欠債可分為兩部份。第一部份是短期負債，就是未來十二個月的本金連利息的還款。第二部份是長期負債，就是尚欠本金減去第一部份中將會還的本金。
本來每月歸還的本金是不同的，為了簡化計算，在長期負債的減數，我簡單地以即月還款中的本金乘十二去計算。假設利率不變，這是有多無少的，因為本金在整個還款期中是愈還愈多，但一年內的變化其實不大，從簡便算數。
就係咁，買左樓差不多八年，終於將自住樓放入資產負債表內。亦乘機將資產分作流動和非流動，雖然現時只有一項非流動資產咁大把。
相關文章
噢, 很仔細, 我沒有這個習慣, 但其實income statement挺重要, 特別是額外洗費 (如旅行, 或買書, 衣服等), 直接影響一年可儲的錢. 看來我也要仔細做一個了.
回覆刪除Joseph把時間花在發掘個股，似乎時間用得更有效率。
刪除論仔細無可能及得上魔術師兄。
最好當足會計處理。
回覆刪除可惜我無學過會計，好多野都唔識。
刪除我都只係做income statement ，資產負債表就交用銀行嘅software自己慢慢自動update就算了。
回覆刪除我經常貪銀行開户優惠，搞到好多銀行都有户口，睇銀行網上系統都要睇幾間加埋。
刪除我只係每幾日睇下戶口cash 既升跌估番有冇大洗到。。。求其到不得了。不過一路有紀錄既。
回覆刪除70兄搵得多，又唔大駛，唔駛花咁多時間計較細數目
刪除有了家庭，仔細的income statement及資產收益表，真的非常重要。祝Mike兄繼續成功、投資更上一層樓=)
回覆刪除還未談得上成功，尚需多加努力
刪除其實我也想請教做全職freelancer，收入糧單那些怎樣解決？簡單如申請信用卡，甚至做樓按，這些也是必需的文件。
要不斷更新自己的財務報表，要很有恆心，而我已放低了一段時間，所以佩服你的毅力。
回覆刪除現時只是心裡有個約數便算。
將自己的時間用在自己認為最想做和最有效益的地方，總得作取捨。
刪除我現在每月計一次，用一個多小時，自己覺得尚可接受。
//再一次多謝魔術師兄的無私教導
回覆刪除客氣了.
//希望我的理解沒有錯誤。
理解無錯. current liabilities 係12個月內的供款(本金加利息), long term liabilities 就只需計總按揭欠款-12個月本金還款.
12個月本金還款可以好似你咁,以本期本金乘12取個約數,要精準的話亦可以用Excel的PV方程式計算;不過如果你用H-plan,息率每月轉,用Excel計亦準不到哪裡去,例不如省點工夫乘12算了.
//記帳的意義
我用開Quicken記戶口(儲蓄/投資/供樓/信用卡/八達通)帳目，Excel就計投資回報. 每日如是,慣咗就唔係一回事,半個鐘至一個小時乜都搞掂. 呢個亦係我少去旅行的原因,因為在外地入數始終有啲難度.
另外可以參考以下舊文,希望可以幫到你:
會計人生（一） － 資產負債
http://magician__yang.mysinablog.com/index.php?op=ViewArticle&articleId=1164154
會計人生（二） － 損益表
http://magician__yang.mysinablog.com/index.php?op=ViewArticle&articleId=1175175
會計人生（三） － 現金流量表
http://magician__yang.mysinablog.com/index.php?op=ViewArticle&articleId=1186382
會計人生（四） － 點解阿sir係阿sir
http://magician__yang.mysinablog.com/index.php?op=ViewArticle&articleId=5468241
婆仔數由網購水貨財務軟件開始
http://magician__yang.mysinablog.com/index.php?op=ViewArticle&articleId=12556056
魔術師的投資是每日結算嗎？
刪除我用一個APP叫Money Pro去記帳，用個google sheet去紀錄投資戶口的帳目，但就沒有將兩邊結合。
回魔術師
刪除//不過如果你用H-plan,息率每月轉,用Excel計亦準不到哪裡去,例不如省點工夫乘12算了.
正是H按，所以從簡便算。
//可以參考以下舊文
多謝分享，小弟之前只係睇過婆仔數那篇，沒有留意到之前原來有會計人生系列，要追一追舊文。
我一直也是用excel，每月計，消費項目沒有細分，衣食行混埋一齊，只係另外分開家庭開支﹝如水電煤差餉管理費﹞和孩子教育項目﹝暫時只得幼稚園學費一樣﹞
刪除//魔術師的投資是每日結算嗎？
刪除每日會mark to market一次, 一年「結算」一次, 「結算」的意思係做大型重組(各投資組合成份股的策略性增刪,清空現金帳戶), 每月也會做一次小結算,主要係調較投資比重,除非有特別事件(例如金融風暴,米爆等), 否則各投資組合成份股保持不變.
//消費項目沒有細分，衣食行混埋一齊，只係另外分開家庭開支﹝如水電煤差餉管理費﹞和孩子教育項目﹝暫時只得幼稚園學費一樣﹞
刪除我會將水電煤管理費差餉地租交通費早午晚茶餐設置獨立戶口,八達通只用來搭車,購物用現金,其餘上網手機收費電視之類自動轉帳又用死一張信用卡, 其餘買衫買名牌食好嘢又用第二張卡,咁條數就會分得好靚好易跟.
//我會將水電煤管理費差餉地租交通費早午晚茶餐設置獨立戶口,八達通只用來搭車,購物用現金,其餘上網手機收費電視之類自動轉帳又用死一張信用卡, 其餘買衫買名牌食好嘢又用第二張卡,咁條數就會分得好靚好易跟.
刪除我又無邊張卡做邊一樣咁嚴謹，不過我都係主力兩張，仲會一張卡交另一張卡賺盡佢百幾日免息還款期。而我會用記帳APP，所以條數都好易跟。
//每日會mark to market一次, 一年「結算」一次, 「結算」的意思係做大型重組(各投資組合成份股的策略性增刪,清空現金帳戶), 每月也會做一次小結算,主要係調較投資比重,除非有特別事件(例如金融風暴,米爆等), 否則各投資組合成份股保持不變.
刪除我都有每日Mark-to-market一次，但你咁多種asset class都一個鐘搞掂，真係好快手。
//我會將水電煤管理費差餉地租交通費早午晚茶餐設置獨立戶口,八達通只用來搭車,購物用現金,其餘上網手機收費電視之類自動轉帳又用死一張信用卡, 其餘買衫買名牌食好嘢又用第二張卡,咁條數就會分得好靚好易跟.
刪除利害利害，我主力用回贈最多果張，好鬼c9。
//而我會用記帳APP，所以條數都好易跟。
刪除每晚記定係一用即記？都要好有心機先做到。
//每晚記定係一用即記？都要好有心機先做到。
刪除最好就一用即記啦，個APP有TIME STAMP，所以啲支次真係好似條TIME SERIES咁。如果嗰日忙啲就當晚記，因為我來來去去都係搭車食飯，所以都唔太難記起當日嘅使用。
支出*
刪除原來係咁，都幾方便
刪除初次拜訪, blog主你好。
回覆刪除整筆欠債可分為兩部份。第一部份是短期負債，就是未來十二個月的本金連利息的還款。第二部份是長期負債，就是尚欠本金減去第一部份中將會還的本金。
5年前第一次買樓時, 我也是這樣做, 一直行之有效。
Hello R兄，小弟真係井底之蛙，一直都唔識咁樣計，似乎這是十分基本的會計知識。
刪除我相信會計上應唔係咁計，可能會amortize，也可能用book value of leasehold。
刪除我不是讀會計，不肯定計法，但我會用最適合自己財務目標的方法。有點像management accounting rather than financial accounting。
我認為做到計法合理便可以，過份追求精準反而誤了焦點。
刪除