2016年7月16日 星期六

生活與選股

網友東昇兄早前寫了一篇關於按照生活消費習慣選股的文章,內容不錯,值得大家參考。另一網友魔術師兄更老早便公開了他的生活基金,更按生活比重去作投資分配,十分專業及有紀律。

有一間公司和我的生活息息相關,但我從未認真研究過佢。但話說回頭,如果真心去運作一個生活基金,又不應太介懷個別股票的股價和做太多功課,否則便失去了對沖生活開支的意義。

這間公司是載通,返工搭屋苑接駁車係載通旗下的陽光巴士,一星期總會搭兩三次既公司接駁車又係陽光巴士,放工返屋企搭九巴又係載通,放假去邊都幾乎一定會搭九巴。對我的家庭來說,九巴比港鐵更重要。

從生活去選股,相反咁睇便是從持股去選擇生活。老老實實我哋雞碎咁多既消費,對上市公司而言真係微不足道,而那業務亦可能是那間公司的最小貢獻的一環,但幫襯對家又真係有點精神分裂,起碼都叫做親身感受下自己投資緊咩嘢。

以我為例,基本上每年都會和家人過大海一次玩下和探親。自從持有金沙後,我便一直使用金光飛航和入住金沙城果幾間酒店。當然,價錢和服務很重要,金沙的酒店亦比較適合家庭客。身邊有朋友去澳門,我也總是推薦金沙旗下的酒店。

8 則留言:

  1. 以前澳門是個好地方, 小時候每年跟媽媽去幾次。
    現在人變差了,地方變現代了,相對上,不如留係香港?
    BTW金沙貴嗎?

    回覆刪除
    回覆
    1. 去澳門主要都係探親和拜山,新不如舊係事實,我哋次次都盡量去舊區搵番d傳統小店幫襯。

      金沙貴唔貴是指房價還是股價?股價唔識講,我自己就蟹左好耐。房價近一年就平左好多,以我遲下為例,一間房,兩位早餐,三套來回船票,三張$380既史力加音樂劇,加埋二千零蚊,我自己就覺得好抵。

      刪除
    2. 小朋友已識睇音樂劇?

      刪除
    3. 第一次咋,佢本身勁鍾意史力加,乘機試下

      刪除
  2. 你的這樣子做法我更理解。
    好像我一樣,會出席公司年會,會發電郵Ir提建議,會留意公司發展,侮天找查公司最新動態,
    會去國內試用公司產品及商場,
    以及理解對手同區運作情況作比較。

    回覆刪除
    回覆
    1. Hung兄真係當自己生意咁去投資,值得一讚!

      我也持有偉易達,每次行玩具鋪都會留意佢既新產品和受歡迎程度。

      刪除
  3. 生活選股可行。
    載通,金沙,讓我再思考。

    回覆刪除
    回覆
    1. 係一個唔錯既方法去找尋投資機會

      刪除